ياوجه الصباح & خالد ال بريك - انا ضايق صدري من الناس لي مده 2026

ضع لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️
..

" لمتابعة شيلات الروقي عبر السناب "

https://www.snapchat.com/add/u511



شيلة مهداه الى :
سلطان بن خالد المويهي المرشدي


ياوجه الصباح الله يحييك سقت الخير
وانا ضايقٍ صدري من الناس لي مده

الا ليت لي جنحان واكفخ بها و اطير
ماعاد اوسعتنا الارض و الارض ممتده

تعشمت فاللي مرجلتهم على التصوير
و تهقويت لانهم من سلايل هل الرده

يجونك و متنك للثقيلات متن بعير
ويقفون عنك بساعة الضيق و الشده

علي الحرام انه مايستاهل التقدير
من يحسب الشاعر يهمه وش المده ؟

فتحنا المجالس واشتهرنا و صرنا غير
و منصى من ظروف الزمن قامت تحده

من يعد نفسه بالدراهم سوات الزير
يجينا يبي التمجيد و المدح و نرده

ذممنا حفظناها عن الكذب و التزوير
نعرف المجرب غير عن راعي الجده

لو القصد فالماء و الكلا ماتقصر مير
يبي يسدنا عن مجلسك مطعم السده

انا شاعرٍ من وقت مشغلني التفكير
و اشييد عمود البيت و اعود اهده

ابي لي قصيدة شامخه من شموخ النير
من المطلع تلاحظ بها طابع الحده

ليا صرت حامل مسك عاداك نافخ كثير
يطيب المعرب و الردي واقفٍ ضده

ياسلطان فزعاتك تجيني بلا تأخير
جميلك و معروف علي كيف ما اعده

بعد مالزمان الشين وراني التعزير
وانا اللي من ايام الصبا واطيٍ خده

لقيتك حزامٍ كل شيٍ يبييييه يصير
و لا تعتذر مني و لاتعرف الصده

تورد رفيقك للسعد خل جم البير
ليا سهل الله تستوي كل منلده

ياسلطان بن خالد عليك المديح يشير
كريمٍ يصاحب مثل شرواك من قده

فعولك ووقفاتك تعلت بك عن الغير
تبرد غليل مشوربٍ واصلٍ حده

مويهيٍ علومك بعيده عن التقصير
يابحر الكرم فالعاصمه وش بحر جده

ذخر مرشد ليا قمت تستاهل التوقير
تقول الوفا بين الرياجيل لا بده

مالوم القريحه فيك لو خانها التعبير
عتيبيٍ اصوك راس و معربٍ جده

نظيف السريره ماتلف و تعكس السير
على وجهتن وحده و لا تخلف القده

عشان الكرامه مادور على تبرير
تحط الحشو و تقول تمو عشاء البده

محمد بن غازي التوم