هدوء الليل - عناد الشيباني & خالد ال بريك - واصوات حسادي لازادت لاتضر ولا تعيق 2026

ضع لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️
..

" لمتابعة شيلات الروقي عبر السناب "

https://www.snapchat.com/add/u511



على نهاية صمتي المفعم بالاحساس الرقيق
و بداية القصة مع ادراكي بعد ضاع تعبي

قرب لي اللي توه مسوى .. وخادر فالبريق
الشاهي الاحمر قناد الراس خل المغربي

اغمق شوي من الشفق والذ من طعم الرحيق
ما احلا منه فالكاسه اللي كنها خصر الظبي

كل ورقة مقطوف بعناية وبـ اشرافٍ دقيق
يخدر الجرح الندي .. ويرجع الشايب صبي

لا قام يجري مع خلايا المخ خلاها تفيق
خطرٍ خلايا المخ تقبس كنها صتم احلبي

واتركني اعقد صلح بين العقل والقلب الشفيق
محتاج احل المشكلة ما بين ضيقي وطربي

لاقمت اسوي من خيوط الليل سبحة من عقيق
وافرد جناحيني على جنح الظلام الغيهبي

اكسر هدوء الليل واشكل من نجومة فريق
هذا سماي وذي جماهيري وهذا ملعبي

واصوات حسادي لازادت لا تضر ولا تعيق
بالعكس شفني واثق ومبسوط وامس شنبي

انا مانيب ارخي سموعي كل ما اوحيت النعيق
حرٍ نظر عيني بعيد وصيدتي في مخلبي

مع اني الليله ما ابي حولي من العالم رفيق
الناس فيهم ناس واجد صابهم شرٍ وبي

لا خابت الهقوات ما يبقى لـ هالدنيا بريق
وان طابت الهقوات صارت مثل سيف التغلبي

ياللي تمرجحك العرب .. مره عدو مره صديق
مذهبك هذا والله انه ما يناسب مذهبي

تاويل ما لم تستطع صبرة مهوب امرٍ عميق
انا ادري انك فاهم الموضوع ومسوي غبي

هذا فراقٍ بيني وبينك .. وكلٍ له طريق
انا ماني بالخضر وانته ما انته بموسى النبي

لا صارت العشرة مهيب اقوى من العهد الوثيق
وش عاد ابي فيها وفاللي ما حفظها ويش ابي

صدورنا من كثرة الصدمات صارت ماتضيق
الله يعين اهل التغاضي والجناب المرحبي

ووجيهنا ماها ثمين ولا انتثر معاد حيق
ماهو مثل ضوح السراب اللي يبين ويختبي

واليا دعانا داعي الماجوب والسلم العريق
الطيب والتقدير والتوجيب طبع اليعربي

وزياد بن مطلق طليق حجاج ولسانه طليق
اسطا من السيف الحدب واشهر من الحر الابي

يليق فيه المدح يوم انه بغيره ما يليق
ويجية يمشي ويعدي مهوب يزحف ويحبي

يفرح به المحتاج واللي في بحر حزنه غريق
ويحل امورٍ حلها مثل الخلاف المذهبي

هذا هو اللي لو تجيه وهمك اثقل من طويق
قال احتزم بي وانقله من منكبك لـ منكبي

رباه عودٍ لـ الكرم والعز والفزعة عشيق
عادي لا قال الطيب هذا ورث جداني وابي

جده طلق من شجرةٍ تنبت غصن عزٍ وريق
يحق لـ الدوفي يقول العز كله فـ نسبي

رصيدة مع الناس طيبٍ حاضر ومجدٍ عتيق
اقوى من ارصدة البنوك العالمية في دبي

هذا ولد ميزان شوق المدح يوم المدح سيق
والطيب اللي مثله وشرواه اعده مكسبي

فعل القحم من طيب وقفاته على القمة مويق
واسم القحم في صفحة التاريخ مهوب اجنبي

ذخاير اهل الرمح واهل السيف واهل المنجنيق
ذيدانهم ما تنوخذ وامجادهم ما تنسبي

عيون حمران النواظر تشعل الدنيا حريق .. !
وايدينهم تقدر اتطوع كل مجدٍ كوكبي

قبيلةٍ صار ونعم لعيالها الاخو الشقيق
تفاخري يابنت في تاريخ ربعك والعبي

تلقى ولدهم يدحم بجنب قوي ماهو رقيق
وتشوف عقله مثل عقل العود لو انه صبي

والحاجة اللي دونها رجفة عظام وبلع ريق
يقلط عليها الشايب اللي مثل وصف الاكلبي

صدورهم مالله خلق فيها ولا صدرٍ غليق
وعزومهم من قوها كل الشياطين تهبي

والمدح بشتٍ يستحقونه هل المجد العريق
يكرم عن اللي ما يعرفون البشوت من العبي